Хойд Америкийн Цахим Өртөө ашгийн бус байгууллага ( цаашид товчлон ТУНА) ахлах сургуулийн төгсөх ангийн сурагчдад зориулсан тэтгэлэгт хөтөлбөрөө зургаадах жилдээ зарлаж байна. ТУНА тэтгэлэгт АНУ, Канад улсуудын ахлах сургуулийн төгсөх ангид суралцаж байгаа, магадлан итгэмжлэгдсэн ( accredited) коллежийн 4 жилийн бакалавр зэргийн сургалт болон цэргийн академиудад элсэн орохоор бэлтгэж буй монгол сурагчид өрсөлдөх боломжтой. Тэтгэлэг нь шашин шүтлэг, арьс өнгө, хүйс, бэлгийн чиг хандлага, хөгжлийн бэрхшээл, төрсөн газар, иргэншил зэргээс үл хамааран Хойд Америкийн бүс нутагт амьдарч, суралцаж буй бүх монгол хүүхдүүдэд нээлттэй. ТУНА тэтгэлэг нь 2025/26 оны хичээлийн жил коллежид элсэж буй сурагчдад коллеж суралцах хугацаанд 1,000 – 2,000 ам.долларын хэмжээтэйгээр, жил тутам, цэргийн академийн элсэгчдийн хувьд зөвхөн эхний жилд олгох нэг удаагийн 1,000 ам.долларын хэмжээтэй мөнгөн тэтгэлэг байна. 2025 оны тэтгэлэгт хамрагдагсдыг шалгаруулах хугацаа: Өргөдөл хүлээн авах эцсийн хугацаа: 2025 оны тавдугаар сарын 4. Тэтгэлгийн комисс өргөдөл, материалууд дээр ажиллах хугацаа: 2025 оны зургадугаар сараас долдугаар сар. Шалгаруулалт: 2025 оны долдугаар сараас наймдугаар сар. Шалгаруулалтын дүн зарлах хугацаа: 2025 оны наймдугаар сар. Дэлгэрэнгүй мэдээллийг https://scholarship.tsahimurtuu.org/Info вэб хуудсаар авна. Оюутнууд тус вэб хуудаст бүртгүүлж, тэнд буй өргөдлийг бөглөж, шаардлагатай бусад материалын хамтаар илгээнэ. Асууж лавлах зүйлс байвал contact@tsahimurtuu.org имэйл хаягаар холбогдоорой. (fb)

https://www.facebook.com/story.php?story_fbid=1025288019628047&id=100064405763310&mibextid=wwXIfr&rdid=L2LtmadKrLEwrsq1# (fb)